Lajme

E ngacmuan seksualisht dhe e shantazhuan me video, arrestohen dy të rinjtë që abuzuan me 13 vjeçarin shqiptar

Loading...

Një 13-vjeçar mësohet të jetë abuzuar seksualisht nga dy të rinj 20 dhe 21 vjeç në Tiranë. Ngjarja e rëndë është zbuluar pas denoncimit të një qytetareje për vjedhje banese.

Mësohet se dy të rinjtë kanë abuzuar seksualisht me të miturin duke e ftuar në një banesë me pretekstin për të luajtur video-game dhe më pas kanë abuzuar me të. Djemtë e kanë shantazhuar të miturin përmes një video që kanë xhiruar duke i thënë se do e publikonin në rrjetet sociale. Këtij shantazhi i është bashkuar edhe një 45-vjeçar dhe së bashku i kërkonin 13-vjeçarit 5 mijë euro.

I mituri po qëndronte në shtëpinë e tezes së tij për pushime dhe personat i kanë kërkuar që t’u jepte çelësat e shtëpisë ku ata kanë hyrë dhe kanë vjedhur bizhuteritë. Pas denoncimit të bërë nga tezja e tij për grabitjen e bizhuve, forcat e policisë kanë vënë re se grabitja ishte kryer pa thyer derën e shtëpisë. Për këtë arsye efektivët morën në pyetje familjarët se kush kishte çelës të derës.

Ata kanë treguar se edhe i mituri kishte një çelës të shtëpisë. Pasi është pyetur në praninë e një psikologeje, ai ka rrëfyer historinë e rëndë. Sipas policisë personat e ndaluar për ngjarjen janë  Valter Hysja, 20 vjeç dhe Fatmir Haxhiu, 21 vjeç. Ndërkohë në  kërkim është shpallur edhe 45-vjeçari Bledar Matja.

Loading...

Related Articles

Leave a Reply

Your email address will not be published. Required fields are marked *

Close